Shallom sokovai, gambal dahai hiza dit korojoho mangagama okoi dit dapul gorija, toun 2013.
Nunu ot boroson ku siti inono kanangan ko ih gama dahai miatabang om it gama marajal sid mangagama diti bangunan. Banalko ohigak okoi kovai tu masing-masing kipoluang marajal. Om yoku kondiri nga ogumu nabarazalku.

Ongotopot no it gorija okon ko maiko marajal boros do Kinoringan ino enga marajal dot ogumu hal, termasuk neti marajal muvalai. Haleluya. Kikiroon ku ong maiko tiap minggu sumbayang nga aso gamaoon vokon dot anggota jemaat, tantu ko abangat dati ong alaid no. Aso kinosurutan do emot dianggota jemaat.

Sid saralom dot melayani oku sid jemaat Nongkul 13 toun diti 2000-2013 banalko ogumu no nagama dahai dot emot sid gorija do Nongkul. Puji Tuhan tu sokovai it potigamaoon nga ogumu no ot nopongo, yadketi dapul do gorija dit nopongo no dit bulan 12 toun2013. Heleluya. Sokovai iti berkat do Kinoringan. Amin.

Shallom sid ngaran dit Tuhan Yesus Kristus, alid no dot amu na update ku iti blog..
Gambal diti 20/12/2014, magagama okoi tandas gorija, Syukur sid Kinoringan tu it projek varo no kinosurutan antad kitotimpuun dit 17.7.2014, amu nopongo koduruk tu  pitimbaru-baru siin antad sid persembahan do jemaat.

Banalko andaman ku iti kinotimpuunan magagama diti tandas hiza diri konotimbakan di MH17 tarabang dot Malaysia notimbak sid Ukrine, banalko osiaan it ongo penumpang om anak kapal tu navi matai.

Apa pun iti projek magagama tandas banalko otomon okoi koviai tu sekurang-kurang toun 2013 om toun 2014 varo no nagama dot gorija. Kinenaman dot gotong-royong om nendukut antad sid persembahan dot anggota jemaat.

Ong bianono emot ku dot kasip no it jemaat Nongkul dit kemampuan dau kondiri dot songkogamao sid gorija, amu no humarap dot bantuan antad sid karajaan. Puji Tuhan tu mentality jemaat Nongkul noubah no sedikit demi sedikit.

Emot no dot okonko nunu ot kasabab dot varo komojuaan do gorija ino it mentality do jemaat dau, om mougubah dit mentality diti maiko ih Sundu do Kinoringan ot kadapat mongubah. Haleluya iti no it uva do Sundu sid jemaat Nongkul. Amin...